Yati Panchakam (Kaupeena Panchakam) – యతిపంచకం

వేదాంతవాక్యేషు సదా రమన్తః
భిక్షాన్నమాత్రేణ చ తుష్టిమన్తః |
విశోకమన్తఃకరణే రమన్తః
కౌపీనవన్తః ఖలు భాగ్యవన్తః || ౧ ||

మూలం తరోః కేవలమాశ్రయన్తః
పాణిద్వయం భోక్తుమమన్త్రయన్తః |
శ్రియం చ కంథామివ కుత్సయన్తః
కౌపీనవన్తః ఖలు భాగ్యవన్తః || ౨ ||

దేహాదిభావం పరిమార్జయన్తః
ఆత్మానమాత్మన్యవలోకయన్తః |
నాన్తం న మధ్యం న బహిః స్మరన్తః
కౌపీనవన్తః ఖలు భాగ్యవన్తః || ౩ ||

స్వానన్దభావే పరితుష్టిమన్తః
సంశాంతసర్వేంద్రియదృష్టిమన్తః |
అహర్నిశం బ్రహ్మణి యే రమన్తః
కౌపీనవన్తః ఖలు భాగ్యవన్తః || ౪ ||

పంచాక్షరం పావనముచ్చరన్తః
పతిం పశూనాం హృది భావయన్తః |
భిక్షాశనా దిక్షు పరిభ్రమన్తః
కౌపీనవన్తః ఖలు భాగ్యవన్తః || ౫ ||

కౌపీనపంచరత్నస్య మననం యాతి యో నరః |
విరక్తిం ధర్మవిజ్ఞానం లభతే నాత్ర సంశయః ||

ఇతి శ్రీ శంకరభగవత్పాద విరచితం యతిపంచకం ||

Print Friendly

One thought on “Yati Panchakam (Kaupeena Panchakam) – యతిపంచకం”

Leave a Reply

Your email address will not be published. Required fields are marked *