Veda Suktamulu

Sri Rudra prashnah – Laghunyasah – శ్రీ రుద్రప్రశ్నః – లఘున్యాసః

by Stotra Nidhi · అక్టోబర్ 3, 2016

Note: This stotra is available on "Stotra Nidhi" telugu mobile app. Download from Apple App Store and Google Play Store.

గమనిక: ఇందులో కొన్ని శ్లోకాలు వేద స్వరములతో కూడి ఉన్నవి. స్వరం తెలుసుకుని, నేర్చుకుని పఠించుట ఉత్తమం. ఈ వెబ్‍సైట్ లో స్వరం చూపడానికి సాధ్యం కాలేదు. మొబైల్ యాప్ లో స్వరంతో సహా ఉన్నాయి. దయచేసి మొబైల్ యాప్ డౌన్‍లోడ్ చేసుకుని చూడగలరు.

ఓం అథాత్మానగ్ం శివాత్మానగ్ం శ్రీరుద్రరూపం ధ్యాయేత్ ||

శుద్ధస్ఫటికసంకాశం త్రినేత్రం పఞ్చవక్త్రకమ్ |
గఙ్గాధరం దశభుజం సర్వాభరణభూషితమ్ ||

నీలగ్రీవం శశాంకాంకం నాగయజ్ఞోపవీతినమ్ |
వ్యాఘ్రచర్మోత్తరీయం చ వరేణ్యమభయప్రదమ్ ||

కమణ్డల్వక్షసూత్రాణాం ధారిణం శూలపాణినమ్ |
జ్వలన్తం పిఙ్గలజటాశిఖాముద్యోతధారిణమ్ ||

వృషస్కన్ధసమారూఢమ్ ఉమాదేహార్ధధారిణమ్ |
అమృతేనాప్లుతం శాన్తం దివ్యభోగసమన్వితమ్ ||

దిగ్దేవతాసమాయుక్తం సురాసురనమస్కృతమ్ |
నిత్యం చ శాశ్వతం శుద్ధం ధ్రువమక్షరమవ్యయమ్ ||

సర్వవ్యాపినమీశానం రుద్రం వై విశ్వరూపిణమ్ |
ఏవం ధ్యాత్వా ద్విజస్సమ్యక్ తతో యజనమారభేత్ ||

అథాతో రుద్ర స్నానార్చనాభిషేక విధిం వ్యాఖ్యాస్యామః |
ఆదిత ఏవ తీర్థే స్నాత్వా ఉదేత్య శుచిః ప్రయతో
బ్రహ్మచారీ శుక్లవాసా దేవాభిముఖః స్థిత్వా
ఆత్మని దేవతాః స్థాపయేత్ |

ఓం ప్రజననే బ్రహ్మా తిష్ఠతు |
పాదయోర్విష్ణుస్తిష్ఠతు |
హస్తయోర్హరస్తిష్ఠతు |
బాహ్వోరింద్రస్తిష్ఠతు |
జఠరే అగ్నిస్తిష్ఠతు |
హృదయే శివస్తిష్ఠతు |
కంఠే వసవస్తిష్ఠన్తు |
వక్త్రే సరస్వతీ తిష్ఠతు |
నాసికయోర్వాయుస్తిష్ఠతు |
నయనయోశ్చంద్రాఽఽదిత్యౌ తిష్ఠేతామ్ |
కర్ణయోరశ్వినౌ తిష్ఠేతామ్ |
లలాటే రుద్రాస్తిష్ఠన్తు |
మూర్ధ్న్యాదిత్యాస్తిష్ఠన్తు |
శిరసి మహాదేవస్తిష్ఠతు |
శిఖాయాం వామదేవస్తిష్ఠతు |
పృష్ఠే పినాకీ తిష్ఠతు |
పురతః శూలీ తిష్ఠతు |
పార్శ్వయోః శివాశంకరౌ తిష్ఠేతామ్ |
సర్వతో వాయుస్తిష్ఠతు |
తతో బహిః సర్వతోఽగ్నిర్జ్వాలామాలా పరివృతస్తిష్ఠతు |
సర్వేష్వంగేషు సర్వా దేవతా యథాస్థానం తిష్ఠన్తు |
మాగ్ం రక్షన్తు ||

పునర్మ ఆత్మా పునరాయురాగాత్ |
పునః ప్రాణః పునరాకూతమాగాత్ |

వైశ్వానరో రశ్మిభిర్వావృధానః |
అన్తస్తిష్ఠత్వమృతస్య గోపాః ||

అస్య శ్రీ రుద్రాధ్యాయ ప్రశ్న మహామంత్రస్య అఘోర ఋషిః, అనుష్టుప్ ఛందః, సంకర్షణమూర్తిస్వరూపో యోఽసావాదిత్యః పరమపురుషః స ఏష రుద్రో దేవతా | నమః శివాయేతి బీజమ్ | శివతరాయేతి శక్తిః | మహాదేవాయేతి కీలకమ్ | శ్రీ సాంబసదాశివ ప్రసాద సిద్ధ్యర్థే జపే వినియోగః ||

ధ్యానం ||
ఆపాతాళనభః స్థలాన్తభువనబ్రహ్మాండమావిస్ఫుర-
జ్జ్యోతిః స్ఫాటికలింగమౌళివిలసత్పూర్ణేందువాన్తామృతైః |
అస్తోకాప్లుతమేకమీశమనిశం రుద్రానువాకాఞ్జపన్
ధ్యాయేదీప్సితసిద్ధయే ధ్రువపదం విప్రోఽభిషిఞ్చేచ్ఛివమ్ ||

బ్రహ్మాండవ్యాప్తదేహా భసితహిమరుచా భాసమానా భుజంగైః
కంఠే కాలాః కపర్దాకలిత శశికలాశ్చండకోదండ హస్తాః ||
త్ర్యక్షా రుద్రాక్షమాలాః ప్రకటితవిభవాః శాంభవా మూర్తిభేదా
రుద్రాః శ్రీరుద్రసూక్తప్రకటితవిభవా నః ప్రయచ్ఛన్తు సౌఖ్యమ్ ||

ఓం గణానాం త్వా గణపతిగ్ం హవామహే
కవిం కవీనాముపమశ్రవస్తమమ్ |
జ్యేష్ఠరాజం బ్రహ్మణాం బ్రహ్మణస్పత
ఆ నః శృణ్వన్నూతిభిస్సీద సాదనమ్ ||
మహాగణపతయే నమః ||

ఓం శం చ మే మయశ్చ మే ప్రియం చ మేఽనుకామశ్చ మే కామశ్చ మే సౌమనసశ్చ మే భద్రం చ మే శ్రేయశ్చ మే వస్యశ్చ మే యశశ్చ మే భగశ్చ మే ద్రవిణం చ మే యన్తా చ మే ధర్తా చ మే క్షేమశ్చ మే ధృతిశ్చ మే విశ్వం చ మే మహశ్చ మే సంవిచ్చ మే జ్ఞాత్రం చ మే సూశ్చ మే ప్రసూశ్చ మే సీరం చ మే లయశ్చ మ ఋతం చ మేఽమృతం చ మేఽయక్ష్మం చ మేఽనామయచ్చ మే జీవాతుశ్చ మే దీర్ఘాయుత్వం చ మేఽనమిత్రం చ మేఽభయం చ మే సుగం చ మే శయనం చ మే సూషా చ మే సుదినం చ మే ||

ఓం శాన్తిః శాన్తిః శాన్తిః ||

———————-

అనుబంధం – శివోపాసన మంత్రాః |

ఏతథ్సోమస్య సూర్యస్య సర్వలిఙ్గగ్గ్ స్థాపయతి పాణిమన్త్రం పవిత్రమ్ ||
సద్యోజాతం ప్రపద్యామి సద్యోజాతాయ వై నమో నమః |
భవే భవే నాతిభవే భవస్వ మామ్ | భవోద్భవాయ నమః ||

వామదేవాయ నమో జ్యేష్ఠాయ నమశ్శ్రేష్ఠాయ నమో రుద్రాయ నమః కాలాయ నమః కలవికరణాయ నమో బలవికరణాయ నమో బలాయ నమో బలప్రమథనాయ నమస్సర్వభూతదమనాయ నమో మనోన్మనాయ నమః ||

అఘోరేభ్యోఽథ ఘోరేభ్యో ఘోరఘోరతరేభ్యః |
సర్వేభ్యః సర్వశర్వేభ్యో నమస్తే అస్తు రుద్రరూపేభ్యః ||

తత్పురుషాయ విద్మహే మహాదేవాయ ధీమహి | తన్నో రుద్రః ప్రచోదయాత్ ||

ఈశానస్సర్వవిద్యానామీశ్వరస్సర్వ భూతానాం బ్రహ్మాఽధిపతిర్బ్రహ్మణోఽధిపతిర్బ్రహ్మా శివో మే అస్తు సదాశివోమ్ ||